Kamus-ı Muhit - العارف maddesi

Ve işbu عَرَفَاتٌ [ʹarafât] lafzı cemʹi sîgası üzere ismi olmakla cemʹlenmez ve bu maʹrifedir, her çend baʹzı kavl üzere cemʹ olursa da, zîrâ emâkîn zâ΄il olmadığı hasebiyle şey΄-i vâhid mesâbesinde olur. Ve bu munsarıftır, zîrâ âhirinde olan tâ΄ harfi مُسْلِمِينَ ve مُسْلِمُونَ kelimelerinin âhirlerinde olan yâ΄ ve vâv menzilindedir. Ve عَرَفَاتٌ [ʹArafât]ın nisbetinde عَرَفِيٌّ [ʹArafiyy] denir, عَرَبِيٌّ [ʹarabiyy] vezninde. Ve Zenfel b. Şeddâd el-ʹArafî ki etbâʹ-ı tâbiʹîndendir, ʹArafât’ta sâkin olmakla oraya nisbet olundu. Ve عَرَفَاتٌ [ʹArafât] lafzının sıhhat üzere müfredi yoktur. ʹArabların نَزَلْنَا عَرَفَةَ dedikleri kelâm-ı müvellede şebîhdir. Şârih der ki İbn Ḩâcib ve sâ΄ir aʹlâm mevkif-i merkûmun ʹalemi عَرَفَةُ [ʹArefet] ve عَرَفَاتٌ [ʹArafât] olduğuna kâ΄illerdir, niteki يَوْمُ عَرَفَةَ [yevmu ʹarefet] ona muzâftır ve “اَلْحَجُّ عَرَفَةٌ” hadîsi müvelled olmadığını musahhihtir. Hulâsa gerek عَرَفَةُ [ʹArefet] ve gerek عَرَفَاتٌ [ʹArafât] o mevkifin ʹalemidir ve her tarafın mevkifi iʹtibârıyla cemʹ olunmuştur. Ve عَرَفَاتٌ [ʹArafât]ın elifi işbâʹiyye olmak dahi muhtemeldir, niteki vasat-ı kelimede elif-i işbâʹiyye zâ΄iʹ ve şâyiʹdir. Ve şârih-i Buḣârî Kirmânî merhûmun kelâmından عَرَفَةُ [ʹarefet] yevm-i mezbûrun ve عَرَفَاتٌ [ʹArafât] mahâll-i müteʹaddide iʹtibârıyla mevkif-i mezkûrun ismi olmak müstefâd olur. İntehâ. Ve

اَلْعَارِفُ [el-ʹârif] ve

اَلْعَرُوفُ [el-ʹarûf] (صَبُورٌ [ṡabûr] vezninde) مَعْرِفَةٌ [maʹrifet]ten ism-i fâʹillerdir ki zikr olundu. Ve sabûr ve sâbit ve mütehammil adama da ıtlâk olunur ki sabr maʹnâsına olan عِرْفٌ [ʹirf]ten meʹhûzlardır, niteki mü΄ellifin baʹzı işâretlerinden münfehimdir; yukâlu: رَجُلٌ عَارِفٌ وَعَرُوفٌ أَيْ صَبُورٌ Ve

عَارِفٌ [ʹârif] مَعْرُوفٌ [maʹrûf] maʹnâsına müstaʹmeldir ki مُنْكَرٌ [munker] mukâbilidir; yukâlu: أَمْرٌ عَارِفٌ أَيْ مَعْرُوفٌ

Vankulu Lugatı - العارف maddesi

اَلْعَارِفُ [el-ʹârif] (râ’nın kesriyle) Sabr edici, صَبُورٌ [ṡabûr] maʹnâsına; yukâlu: أُصِيبَ فُلَانٌ فَوُجِدَ عَارِفًا Ve

عَارِفٌ [ʹârif] Bilici maʹnâsına da gelir عَالِمٌ [ʹâlim] gibi.