اَلْعَجِلُ [el-ʹacil] (كَتِفٌ [ketif] ve نَدُسٌ [nedus] veznlerinde) ve
اَلْعَجْلَانُ [el-ʹaclân] (عَطْشَانُ [ʹaṯşân] vezninde) ve
اَلْعَاجِلُ [el-ʹâcil] ve
اَلْعَجِيلُ [el-ʹacîl] (أَمِيرٌ [emîr] vezninde) Meşrebi ivegen olan adama denir. عَجْلَانُ [ʹaclân] lafzının cemʹi عَجَالَى [ʹacâlâ] gelir ʹayn’ın fethi ve عُجَالَى [ʹucâlâ] gelir ʹayn’ın zammıyla. Ve عَجْلَانُ [ʹaclân] ve عَجِيلٌ [ʹacîl]in cemʹleri عِجَالٌ [ʹicâl] gelir ʹayn’ın kesriyle. Ve
عَجْلَانُ [ʹaclân] Şehr-i şaʹbâna ıtlâk olunur, çabuk gelip gittiğine binâ΄en, zîrâ âhirinde savm-ı müfâcî olmakla o hayâlle ezhânda serîʹü’l-inkızâ΄ olarak cilve eder, husûsan tiryâkîlerin vicdânlarında hafta kadar hükmü olur. Ve
عَجْلَانُ [ʹAclân] Aʹlâm-ı nâstandır.
اَلْعَاجِلُ [el-ʹâcil] (cîm’in kesriyle) ve
اَلْعَاجِلَةُ [el-ʹâcilet] (kezâlik cîm’in kesriyle) أَجَلٌ [ecel] ve آجِلَةٌ [âcilet]in mukâbilidir ki آجِلٌ [âcil] zamân-ı âtîde olacak nesnedir ve عَاجِلٌ [ʹâcil] zamân-ı hâzırda olandır.
Sitemizde detaylı hızlı ve kolay arama ekranı