اَلْعَتَلَةُ [el-ʹatelet] (fetehâtla) Tarlada olan büyük keseğe denir ki tarla sürülürken yerden kopup ayrılır. Ve şol demir kazmaya denir ki baltanın başı tarzında olur, ʹalâ-kavlin yayvan başlı değnek tarzında olup onunla duvar hedm ederler, Türkîde kösegi taʹbîr ettikleri âlet olacaktır. Ve dülgerlerin ve oymacıların ay demiri dedikleri âlete denir. Ve aslâ gebe kalmayan nâkaya denir. Ve yoğun değneğe denir ki sopa ve toyka taʹbîr olunur. Ve ʹacem yayına denir; cemʹi عَتَلٌّ [ʹatell]dir hâ’sız. Ve ʹAtele b. ʹAbdu’s-Sulemî ashâbdandır; Fahr-i ʹâlem sallallâhu ʹaleyhi ve sellem hazretleri tagyîr edip ʹUtbe ile tesmiye eylediler, zîrâ عَتَلَةٌ [ʹatelet] zikr olunan âletlerin ismi olup şiddet ve gılzati mutazammın olmakla kerîh görüp tagyîr eylediler.
اَلْعَتَلَةُ [el-ʹatelet] (fethateynle) Dürger âletlerinden ay demiri dedikleri nesne. Ve fidan kesecek âlete dahi derler. Ve
عَتَلَةٌ [ʹaṯelet] Kalın ʹasâya da derler. Ve
عَتَلَةٌ [ʹatelet] Nâkaya dahi derler ki yüklü kalmayıp dâ΄imâ kuvvet ve kudret üzere ola. Ve
عَتَلَةٌ [ʹatelet] عُتُلٌّ [ʹutull]ün vâhidine dahi ıtlâk olunur ki onlar Fârisî olan yaylardır, yaʹnî ʹAcem yaylarıdır. Ve
عَتَلَةٌ [ʹAtelet] Cedîle cemâʹatine dahi derler ki Ṯayyi΄ kabîlesindendir.
Sitemizde detaylı hızlı ve kolay arama ekranı