اَلْعَبْدِيَّةُ [el-ʹabdiyyet] (yâ-yı müşeddede ile) ve
اَلْعُبُودَةُ [el-ʹubûdet] ve
اَلْعُبُودِيَّةُ [el-ʹubûdiyyet] ve
اَلْعِبَادَةُ [el-ʹibâdet] (كِتَابَةٌ [kitâbet] vezninde) Tapmak ve kulluk eylemek, tâʹat maʹnâsınadır ki fi’l-asl inkıyâd ve huzûʹ maʹnâsınadır. Ve evzân-ı selâse-i ahîre masdarlardır; yukâlu: عَبَدَ اللهَ تَعَالَى عُبُودَةً وَعُبُودِيَّةً وَعِبَادَةً مِنَ الْبَابِ اْلأَوَّلِ إِذَا أَطَاعَ لَهُ طَاعَةً Ve ʹArablar عُبِدْتُ بِهِ أُوذِيهِ derler bünye-i mechûlle, أُغْرِيتُ maʹnâsına ki “Ben onu rencîde eylemekle igrâ olundum” demektir. Şârihin beyânına göre bu terkîb hırs yâhûd gazab maʹnâsından me΄hûzdur. Pes mevkiʹi bâb-ı râbiʹ mâddesi olur.
اَلْعُبُودِيَّةُ [el-ʹubûdiyyet] (zammeteynle ve dâl’ın kesri ve yâ’nın teşdîdiyle) ve
اَلْعُبُودَةُ [el-ʹubûdet] (zammeteynle yâ’sız) Kulluk maʹnâsına; yukâlu: عَبْدٌ بَيِّنُ الْعُبُودِيَّةِ وَبَيِّنُ الْعُبُودَةِ Ve عُبُودِيَّةٌ [ʹubûdiyyet]in aslı huzûʹ ve tezellüldür.
Sitemizde detaylı hızlı ve kolay arama ekranı