اَلْفَوْزُ [el-fevz] (جَوْزٌ [cevz] vezninde) Havf ve hatardan necât ve selâmet bulup hayr ve me΄mûle zafer ve fırsat bulmak maʹnâsınadır; yukâlu: فَازَ الرَّجُلُ إِذَا نَجَا وَظِفَرَ بِالْخَيْرِ Ve yalnız necât ve yalnız zafer maʹnâsına gelir; yukâlu: فَازَ مِنْهُ إِذَا نَجَا مِنْهُ ve yukâlu. فَازَ بِالثَّوَابِ إِذَا ظَفِرَ بِهِ Ve helâk olmak maʹnâsına olmakla zıdd olur; yukâlu: فَازَ الرَّجُلُ إِذَا هَلَكَ Esâs’ta beyân olunduğu üzere مَفَازَةٌ [mefâzet] tefe΄΄ul cihetiyle mehlekeye ve beyâbâna ıtlâk olunmakla ondan فَوْزٌ [fevz] mâddesi ahz ve helâk maʹnâsında istiʹmâl olunmuştur. Pes zıddıyyeti hakîkî olmaz. Ve ölmek maʹnâsınadır; yukâlu: فَازَ الرَّجُلُ إِذَا مَاتَ Ve
فَوْزٌ [Fevz] Ḩimṡ kazâsında bir karye adıdır.
اَلْفَوْزُ [el-fevz] (fâ’nın fethi ve vâv’ın sükûnuyla) Necât ve hayre zafer bulmak. Ve
فَوْزٌ [fevz] Helâk olmağa derler; tekûlu minhumâ: فَازَ يَفُوزُ فَوْزًا
Sitemizde detaylı hızlı ve kolay arama ekranı