Kamus-ı Muhit - نقرس maddesi

اَلنِّقْرِسُ [en-niḵris] (ḵâf’la زِبْرِجٌ [zibric] vezninde) Bir gûne verem ve vecaʹ ismidir ki topukların ve ayak parmaklarının mefâsıllarında yaʹnî oynak yerlerinde hâdis olur; yukâlu: أَخَذَهُ النِّقْرِسُ وَهُوَ وَرَمٌ وَوَجَعٌ فِي مَفَاصِلِ الْكَعْبَيْنِ وَأَصَابِعِ الرِّجْلَيْنِ Mütercim der ki kütüb-i etıbbânın beyânlarına göre Yûnânîde ayağın parmaklarına نِقُورْس [niḵors] denir. Maraz-ı mezbûr orada hâdis olmakla ıtlâku’l-hâll bi’smi’l-mahall vechiyle muhaffefen نِقْرِسٌ [niḵris] ıtlâk olundu. İntehâ. Ve

نِقْرِسٌ [niḵris] Helâk maʹnâsınadır; yukâlu: وَقَعَ فِي النِّقْرِسِ أَيِ الْهَلاَكِ Ve dâhiye-i ʹazîmeye ıtlâk olunur; yukâlu: أَصَابَهُ النِّقْرِسُ أَيِ الدَّاهِيَةُ الْعَظِيمَةُ Ve hâzık ve mâhir kılavuza denir. Ve be-gâyet mâhir ve mütkin ve müdekkik tabîbe denir; yukâlu: هُوَ نِقْرِسٌ أَيْ طَبِيبٌ مَاهِرٌ نَظَّارٌ مُدَقِّقٌ Ve nisvân huliyyâtından bir gûne huly ismidir, verd şeklinde altından ve gümüşten dizilip başlarına geçirirler, hâlen çiçek taʹbîr eyledikleri zînet olacaktır; yukâlu: جَاءَتْ وَعَلَى رَأْسِهَا نِقْرِسٌ وَهُوَ شَيْءٌ يُتَّخَذُ عَلَى صَنْعَةِ الْوَرْدِ تَغْرِزُهُ الْمَرْأَةُ فِي رَأْسِهَا

Vankulu Lugatı - نقرس maddesi

اَلنِّقْرِسُ [en-niḵris] (nûn’un ve râ’nın kesri ve ḵâf’ın sükûnuyla) Ayak ağrısı ki maʹrûf marazdır. Ve

نِقْرِسٌ [niḵris] Kezâlik tabîb-i hâzıka dahi derler. Ve

نِقْرِسٌ [niḵris] Âfete de derler; yukâlu: دَلِيلٌ نِقْرِسٌ إِذَا كَانَ دَاهِيَةً