اَلْإِهْلِيلَجُ [el-ihlîlec] (hemzenin kesri ve lâm-ı sâniyenin fethi ve kalîlen kesriyle) Semer-i maʹrûf ismidir; müfredi إِهْلِيلَجَةٌ [ihlîlecet]tir hâ’yla. İşbu semer-i helîle demekle maʹrûf dârûdur. Sarı nevʹine sarı helîle ve siyâhına kara helîle derler ki tamâm nuzc bulanıdır. Ve bir nevʹine kâbülî derler, murabbâsı olur, خُنَاقٌ [ḣunâḵ] envâʹını müzîl ve havâssı hâfız ve sudâʹ ı dâfiʹ ve miʹdede vücûdu bir hânede müdebbire olan ked-bânû vücûduna muʹâdildir.
اَلْإِهْلِيلَجُ [el-ihlîlec] ve
اَلْإِهْلِيلَجَةُ [el-ihlîlecet] (hemzenin ve lâm’ın kesriyle) Muʹarreblerdir. İbnu’s-Sikkît eyitti: إِهْلِيلَجٌ [ihlîlec] ve إِهْلِيلَجَةٌ [ihlîlecet] derler hemzenin kesriyle, هَلِيلَجٌ demezler hemzesiz. İbnu’l-Aʹrâbî eyitti: Bu إِهْلِيلَجٌ [ihlîlec]dir lâm-ı ahîrenin fethiyle, zîrâ kelâm-ı ʹArabda إِفْعِيلِلٌ yoktur kesriyle ve إِفْعِيلَلٌ lâm’ın fethiyle çoktur, mislu: إِهْلِيلَجٌ [ihlîlec] ve إِبْرِيسَمٌ [ibrîsem] ve إِطْرِيفَلٌ [iṯrîfel]. Hâkezâ fî ʹâmmeti nusahi’ṡ-Ṡiḩâḩ velâkin lâ yahlû ʹani’l-muṡâdereti fe-te΄emmel.
Sitemizde detaylı hızlı ve kolay arama ekranı