اَلْمَدَرُ [el-meder] (mîm’in ve dâl’ın fethiyle) Kuru balçık kıtʹalarına denir ki kesek taʹbîr olunur, Fârisîde külûh denir. ʹAlâ-kavlin şol özlü yapışkan balçığa denir ki onda kum şâ΄ibesi olmaya. Müfredi مَدَرَةٌ [mederet]tir hâ’yla. Ve
مَدَرٌ [meder] Şehrlere ve karyelere ıtlâk olunur, ekser-i ebniyeleri مَدَرٌ [meder] ile olduğuna mebnî; niteki hoş-nişînlerin hânelerine وَبَرٌ [veber] ıtlâk olunur, deve tüyünden olduğuna binâ΄en; yukâlu: مَا رَأَيْتُ فِي الْوَبَرِ وَالْمَدَرِ مِثْلَهُ أَيْ فِي الْبَدْوِ وَالْحَضَرِ Ve
مَدَرٌ [meder] Masdar olur, bir adamın karnı iri ve büyük olmak maʹnâsına; yukâlu: مَدِرَ الرَّجُلُ مَدَرًا مِنَ الْبَابِ الرَّابِعِ إِذَا ضَخُمَ بَطْنُهُ Ve
مَدَرٌ [Meder] Yemen’de bir karye adıdır.
مَدَرٌ [Meder] (fethateynle) Kezâlik Yemen’de bir karyenin adıdır; ve minhu: فُلَانٌ اَلْمَدَرِيُّ
Sitemizde detaylı hızlı ve kolay arama ekranı