اَلْمُرَابَعَةُ [el-murâbeʹat] (مُفَاعَلَةٌ [mufâʹalet] vezninde) Yük denginin altına مِرْبَعَةٌ [mirbeʹat] dedikleri ağaç sokup bir ucunu biri ve dîgerini biri tutup kaldırmakla dâbbeye yükletmek ve eğer o değnek yok ise kollaşarak yükletmek maʹnâsınadır; yukâlu: رَابَعُوا الْحِمْلَ إِذَا أَدْخَلُوا الْمِرْبَعَةَ تَحْتَهُ وَأَخَذَ بِطَرَفِهَا وَآخَرُ بِطَرَفِهَا اْلآخَرِ ثُمَّ رَفَعَاهُ عَلَى الدَّابَّةِ فَإِنْ لَمْ تَكُنْ مِرْبَعَةٌ أَخَذَ أَحَدُهُمَا بِيَدِ صَاحِبِهِ Ve tekûlu: رَابَعَنِي فُلاَنٌ وَحَمَلْنَا بِالْمُرَابَعَةِ Ve
مُرَابَعَةٌ [murâbeʹat] ve
رِبَاعٌ [ribâʹ] (جِدَالٌ [cidâl] vezninde) Eyyâm-ı rebîʹe mahsûs muʹâmele eylemek maʹnâsınadır, niteki مُسَانَهَةٌ [musânehet] yıllık ve مُشَاهَرَةٌ [muşâheret] aylıkla olan muʹâmeledir; tekûlu: عَامَلْتُهُ مُرَابَعَةً وَرِبَاعًا أَيْ مَخْصُوصًا بِالرَّبِيعِ
اَلْمُرَابَعَةُ [el-murâbeʹat] (mîm’in zammı ve bâ’nın fethiyle) Zikr olunan tarîkle yük yükletmek. Ve
مُرَابَعَةٌ [murâbeʹat] Vakt-i rebîʹde muʹâmele etmeğe dahi derler. Kisâ΄î eyitti: عَامَلْتُهُ مُرَابَعَةً derler, nitekim مُصَايَفَةٌ [muṡâyefet] ve مُشَاهَرَةٌ [muşâheret] derler. Ve
مِرْبَعٌ [Mirbaʹ] (mîm’in kesri ve bâ’nın fethi ile) Bir recülün ismidir.
Sitemizde detaylı hızlı ve kolay arama ekranı