Şârih der ki Muṯṯarizî Muġrib’de dedi ki نَهَارٌ [nehâr] mecrâ-yı vâsiʹ maʹnâsına olan نَهْرٌ [nehr]den me΄hûzdur, zîrâ نَهَارٌ [nehâr] o dav΄-i vâsiʹin ismidir ki tulûʹ-ı şemsten gurûba dek mümtedd olur. Ve sâhib-i Miṡbâḩ dedi ki نَهَارٌ [nehâr] يَوْمٌ [yevm] mürâdifidir ki tulûʹ-ı fecrden muʹteberdir. Müʹellifin kavl-i râcihi dahi budur. Ve ʹörf-i nâsta tulûʹ-ı şemsten muʹteberdir. Ve
نَهَارٌ [nehâr] Bağırtlak kuşunun yavrusuna denir, ʹalâ-kavlin baykuşun erkeğine yâhûd çağırgan toy dedikleri kuşun yavrusuna yâhûd toy kuşunun erkeğine denir. Cemʹi أَنْهِرَةٌ [enhiret] gelir, أَجْوِبَةٌ [ecvibet] vezninde ve نُهُرٌ [nuhur] gelir zammeteynle. Ve dişisine لَيْلٌ [leyl] ıtlâk olunur. Ve
نَهَارٌ [Nehâr] Esâmîdendir: Nehâr b. Tevsiʹa, Bekr b. Vâ΄il kabîlesinden bir şâʹirdir.
اَلنَّهَارُ [en-nehâr] Gündüz ki gecenin mukâbilidir. Bu cemʹ olunmaz, nitekim عَذَابٌ [ʹažâb] ve سَرَابٌ [serâb] cemʹ olunmaz. Ve eger cemʹ etmeli olsan cemʹ-i kılletinde أَنْهُرٌ [enhur] dersin ve kesretinde نُهُرٌ [nuhur] dersin zammeteynle. Ve
نَهَارٌ [nehâr] Toy kuşunun erkeğine de derler,Kitâb-ı Farḵ’ta Aṡmaʹî böyle zikr etti.
Sitemizde detaylı hızlı ve kolay arama ekranı