Kamus-ı Muhit - الأروك maddesi

اَلْأُرُوكُ [el-urûk] (قُعُودٌ [ḵuʹûd] vezninde) Bu dahi deve أَرَاكٌ [erâk] ağacı otlamaktan hasta olmak maʹnâsınadır; yukâlu: أَرَكَتِ الْإِبِلُ أُرُوكًا مِنَ الْبَابِ اْلأَوَّلِ إِذَا اشْتَكَتْ مِنْ أَكْلِ الْأَرَاكِ وَيُقَالُ أُرِكَتِ الْإِبِلُ عَلَى الْمَجْهُولِ Ve deve أَرَاكٌ [erâk] ağacı otlamak yâhûd dâ΄imî onu otlayıp durmak yâhûd mutlakan uğradığı ağacı otlayıp kalmak maʹnâsınadır; yukâlu: أَرَكَتِ الْإِبِلُ أُرُوكًا مِنَ الْبَابِ الثَّانِي وَالْأَوَّلِ إِذَا رَعَتِ الْأَرَاكَ أَوْ لَزِمَتْهُ وَأَقَامَتْ فِيهِ تَأْكُلُهُ أَوْ هُوَ أَنْ تُصِيبَ أَيَّ شَجَرٍ كَانَ فَتُقِيمَ فِيهِ Ve bir husûsta lecc ve ısrâr eylemek maʹnâsınadır; yukâlu: أَرَكَ فِي الْأَمْرِ إِذَا لَجَّ Ve bir işte kıçınılıp gerilenmek maʹnâsınadır; yukâlu: أَرَكَ فِي الْأَمْرِ إِذَا تَأَخَّرَ Ve yaranın şişi çekilip onulmağa yüz tutmak maʹnâsınadır; yukâlu: أَرَكَ الْجُرْحُ إِذَا سَكَنَ وَرَمُهُ وَتَمَاثَلَ Ve bir yerde mukîm olmak maʹnâsınadır; yukâlu: أَرَكَ بِالْمَكَانِ إِذَا أَقَامَ Ve bir nesneyi bir kimse ʹuhdesine ilzâm eylemek maʹnâsınadır; yukâlu: أَرَكَ الْأَمْرَ فِي عُنُقِهِ إِذَا أَلْزَمَهُ

Vankulu Lugatı - الأروك maddesi

اَلْأُرُوكُ [el-urûk] (zammeteynle) Zikr olunan ağaçları otlamak; yukâlu: أَرَكَتِ الْإِبِلُ تَأْرُكُ أُرُوكًا مِنَ الْبَابِ الْأَوَّلِ وَالثَّانِي إِذَا رَعَتِ الْأَرَاكَ Ve deve bir yerde durup ondan zâ΄il olmamağa dahi derler, İbnu’s-Sikkît rivâyeti üzere. Ve gayrılar eyitti: أَرَكَتِ الْإِبِلُ şol vakt derler ki deve şûr ot otlamada mukîm ola. Ve

أُرُوكٌ [urûk] Bir kimse bir makâmda mukîm olmağa da derler; yukâlu: أَرَكَ الرَّجُلُ بِالْمَكَانِ إِذَا أَقَامَ بِهِ Ve yaranın veremi sâkin olup şişi inmeğe dahi derler; yukâlu: أَرَكَ الْجُرْحُ أُرُوكًا إِذَا سَكَنَ وَرَمُهُ وَتَمَاثَلَ