اَلتَّخَاجُؤُ [et-teḣâcu΄] (تَفَاعُلٌ [tefâʹul] vezninde) Batâ΄et eylemek maʹnâsınadır; yukâlu: تَخَاجَأَ فِي الْمَشْيِ إِذَا تَبَاطَأَ Cevherî, vehmine mebnî تَخَاجِئٌ ʹunvânıyla mehmûz olarak resm eylemiştir. Bu sûrette asveb olan, تَخَاجِي [teḣâcî] ʹunvânıdır ki yâ-yı tahtiyye iledir; تَنَاجِي [tenâcî] gibi; zîrâ cîm eğer mazmûmen kırâ΄at olunursa resm-i hat elbette hemze ile olup ve meksûren kırâ΄at olunursa hasbe’l-kâʹide hemzesiz olmak lâzımdır; zîrâ تَفَاعُلٌ [tefâʹul] vezninin hakkı mazmûmü’l-ʹayn olmaktır; تَقَابُلٌ [teḵâbul] ve تَضَارُبٌ [teḋârub] gibi. Meğer ki muʹtellü’l-lâm ola, o sûrette meksûr olur; تَغَازِي [teġâzî] ve تَرَامِي [terâmî] gibi, lâkin Ṡiḩâḩ’ta تَخَاجُؤٌ [teḣâcu΄] ʹunvânında mersûm olmakla zâhiren mü΄ellifin nüshasında sûret-i merkûmede mersûm tesâdüf eylemiştir. Ve
تَخَاجُؤٌ [teḣâcu΄] İnsânın makʹadı basur mislli ʹârıza sebebiyle müteverrim olup mu΄ahharı ki sofra taʹbîr olunur, mantar şeklinde gerisine devrilip çıkmak maʹnâsınadır; yukâlu: تَخَاجَأَ إِسْتُهُ إِذَا تَوَرَّمَ وَخَرَجَ مُؤَخَّرُهُ إِلَى مَا وَرَاهُ
اَلتَّخَاجُؤُ [et-teḣâcu΄] Yürümekte batîʹ olmak.
Sitemizde detaylı hızlı ve kolay arama ekranı