اَلتَّحْنِيبُ [et-taḩnîb] (nûn’la تَفْعِيلٌ [tefʹîl] vezninde) At kısmının ön ellerinin baldırlarında ve sırtında olan nevʹan büğrülük ve mukavveslik olmak maʹnâsınadır, niteki cîm’le تَجْنِيبٌ [tecnîb] kıç ayaklarının sinirleri sıfat-ı mezbûrede olmaktan ʹibârettir; ʹalâ-kavlin تَحْنِيبٌ [taḩnîb] ḩâ’yla atın iki ayağının aralığı apışık olmayarak açık ve meydânlı olmağa denir ki satanı açık taʹbîr olunur, at kısmının evsâf-ı hamîdesindendir. Ve ʹinde’l-baʹz تَحْنِيبٌ [taḩnîb] iki incik kemiklerinde olan nevʹan eğriliğe denir. Mü΄ellifin misâlden sükûtu, bu dahi تَجْنِيبٌ [tecnîb] gibi masdar ve ism olduğuna mebnîdir. Ve
تَحْنِيبٌ [taḩnîb] Baş aşağı ser-nigûn eylemek maʹnâsınadır; yukâlu: حَنَّبَهُ الْكِبَرُ تَحْنِيبًا أَيْ نَكَّسَهُ Ve kemer ve kantara ve gurfe makûlesi binâları muhkem ve üstü mukavves olarak yapmak maʹnâsınadır; çatı binâ gibi; yukâlu: حَنَّبَ فُلاَنٌ أَزَجًا أَيْ بَنَاهُ مُحْكَمًا فَحَنَاهُ
اَلتَّحْنِيبُ [et-taḩnîb] (ʹalâ-vezni اَلتَّكْرِيم [et-tekrîm]) Atın arkasında ve ellerinde fi’l-cümle eğrilik ve hemvârlık olmak. Bu zikr olunan sıfat âdemde olsa تَجْنِيبٌ [tecnîb] derler, cîm’le.
Sitemizde detaylı hızlı ve kolay arama ekranı