Kamus-ı Muhit - الإعتقال maddesi

اَلْإِعْتِقَالُ [el-iʹtiḵâl] (إِفْتِعَالٌ [iftiʹâl] vezninde) Bu dahi devenin dizini büküp bağlamak maʹnâsınadır; yukâlu: إِعْتَقَلَ الْبَعِيرَ بِمَعْنَى عَقَلَهُ Ve bir adamı güreşte ayakla sarmaya getirip yıkmak maʹnâsınadır; yukâlu: إِعْتَقَلَهُ إِذَا صَرَعَهُ الشَّغْرَبِيَّةَ Ve fâris nîzesini paçasıyla rikâbı aralığına sokup tutmak maʹnâsınadır; yukâlu: إِعْتَقَلَ رُمْحَهُ إِذَا جَعَلَهُ بَيْنَ رِكَابِهِ وَسَاقِهِ Ve sağmak için koyunun ayaklarını ḩâlib iki bacağı aralığına çekip almak maʹnâsınadır; yukâlu: إِعْتَقَلَ الشَّاةَ إِذَا وَضَعَ رِجْلَيْهَا بَيْنَ سَاقِهِ وَفَخِذِهِ فَحَلَبَهَا Ve bir adam eyer üzere yâhûd pâlân üzere ayağını büküp ucası gelen mevziʹe komak maʹnâsınadır; yukâlu: إِعْتَقَلَ رِجْلَهُ إِذَا ثَنَاهَا فَوَضَعَهَا عَلَى الْمَوْرِكِ Ve maktûl için diyet almak maʹnâsınadır; yukâlu: إِعْتَقَلَ مِنْ دَمِ فُلَانٍ إِذَا أَخَذَ الْعَقْلَ Ve dil tutulmak maʹnâsınadır; yukâlu: اُعْتُقِلَ لِسَانُهُ عَلَى الْمَجْهُولِ إِذَا لَمْ يَقْدِرْ عَلَى الْكَلَامِ

Vankulu Lugatı - الإعتقال maddesi

اَلْإِعْتِقَالُ [el-iʹtiḵâl] (hemzenin ve tâ’nın kesriyle) Koyunun ayakların uylukların arasına yâhûd inciklerin arasına almaktır, sağmak için; tekûlu: إِعْتَقَلْتُ الشَّاةَ إِذَا وَضَعْتَ رِجْلَهَا بَيْنَ فَخِذَيْكَ أَوْ سَاقَيْكَ لِتَحْلِبَهَا Ve

إِعْتِقَالٌ [iʹtiḵâl] Gönderi incikle üzengi arasına almaktır; yukâlu: إِعْتَقَلَ رُمْحَهُ إِذَا وَضَعَهُ بَيْنَ سَاقِهِ وَرِكَابِهِ Ve

إِعْتِقَالٌ [iʹtiḵâl] Bir kimse habs olunmağa dahi derler; yukâlu: أُعْتُقِلَ الرَّجُلُ عَلَى الْبِنَاءِ لِلْمَجْهُولِ إِذَا حُبِسَ Ve

إِعْتِقَالٌ [iʹtiḵâl] Kelâma kâdir olmamağa dahi derler; yukâlu: إِعْتَقَلَ لِسَانُهُ إِذَا لَمْ يَقْدِرْ عَلَى الْكَلَامِ Ve

إِعْتِقَالٌ [iʹtiḵâl] Ayağı birbirine dolaştırmakla bön etmeğe dahi derler; yukâlu: صَارَعَهُ فَاعْتَقَلَهُ الشَّغْزَبِيَّةَ Ve شَغْزَبِيَّةٌ [şaġzebiyyet] şîn-i muʹcemenin fethiyle bağdama maʹnâsınadır ki güreş tutanlar birbirine ayak dolarlar.