اَلْإِعْبَالُ [el-iʹbâl] (hemzenin kesriyle) Bir nesne kalınlanıp ağarmak maʹnâsınadır; yukâlu: أَعْبَلَ الشَّيْءُ إِذَا غَلُظَ وَابْيَضَّ Şârihin beyânına göre fi’l-asl kolların kalınlanıp beyâz olmasına bi’l-hissîsa mevzûʹ olup baʹdehu sâ΄ir nesnede tevsîʹ olundu. Ve
إِعْبَالٌ [iʹbâl] Ağacın yaprağı düşüp dökülmek maʹnâsınadır; yukâlu: أَعْبَلَ الشَّجَرُ إِذَا سَقَطَ وَرَقُهُ Ve ağacın yaprakları belirmek maʹnâsınadır; yukâlu: أَعْبَلَ الشَّجَرُ إِذَا ظَهَرَ وَرَقُهُ
اَلْإِعْبَالُ [el-iʹbâl] (hemzenin kesri ile) Yaprak ziyâde kıvrık olup kızarıp kemâlin bulması; yukâlu: أَعْبَلَ الْأَرْطَى إِذَا غَلُظَ هَدَبُهُ فِي الْقَيْظِ وَاحْمَرَّ وَصَلُحَ أَنْ يُدْبَغَ بِهِ Ve هَدَبٌ [hedeb] fethateynle enli olmayan ağaç yaprağıdır, serv yaprağı gibi meselâ. Ve قَيْظٌ [ḵayż] ḵâf’ın fethiyle yaz ıssısına derler. Ve
إِعْبَالٌ [iʹbâl] Yaprak ağaçtan düşmeğe dahi derler; yukâlu: أَعْبَلَتِ الشَّجَرَةُ إِذَا سَقَطَ وَرَقُهَا Ve fi’l-hadîsi fî şeceretin: “سُرَّ تَحْتَهَا سَبْعُونَ نَبِيًّا فَهِيَ لَا تُسْرَفُ وَلَا تَعْبَلُ وَلَا تُجْرَدُ” Yaʹnî “Onu karınca yemez ve yaprağı dökülmez ve çekirge otlamaz” ki لَا تُسْرَفُ [lâ tusref] سُرْفَةٌ [surfet]tendir, ak karınca maʹnâsına ve لَا تُجْرَدُ [lâ tucredu] جَرَادٌ [cerâd]dandır, çekirge maʹnâsına.
Sitemizde detaylı hızlı ve kolay arama ekranı