Kamus-ı Muhit - الإضطراب maddesi

اَلْإِضْطِرَابُ [el-iḋṯirâb] (إِفْتِعَالٌ [iftiʹâl] vezninde) Çalkanmak maʹnâsınadır, deryânın çalkanması gibi; yukâlu: إِضْطَرَبَ الشَّيْءُ إِذَا تَحَرَّكَ وَمَاجَ Ve selgi ve sölpük olarak uzayıp gitmek maʹnâsınadır; yukâlu: إِضْطَرَبَ الرَّجُلُ إِذَا طَالَ مَعَ رَخَاوَةٍ ve yukâlu: رَجُلٌ مُضْطَرِبُ الْخَلْقِ أَيْ طَوِيلٌ غَيْرُ شَدِيدِ اْلأَسْرِ Ve bir emrin nizâm ve râbıtası münʹadim olup muhtel ve müşevveş olmak maʹnâsına müstaʹmeldir; yukâlu: إِضْطَرَبَ أَمْرُهُ إِذَا اخْتَلَّ Ve kazanç tarîkine dürüşmek, إِكْتِسَابٌ [iktisâb] maʹnâsına müstaʹmeldir; yukâlu: إِضْطَرَبَ الرَّجُلُ إِذَا اكْتَسَبَ Ve bir kimse kendi için bir nesne darb olunmağı istemek maʹnâsınadır; yukâlu: إِضْطَرَبَ الرَّجُلُ إِذَا سَأَلَ أَنْ يُضْرَبَ لَهُ Ve minhu’l-hadîsu ennehu ʹaleyhi’s-selâm: “إِضْطَرَبَ خَاتَمًا مِنْ حَدِيدٍ” أَيْ سَأَلَ أَنْ يُضْرَبَ لَهُ وَيُصَاغَ Ve ʹArablar إِضْطِرَابُ حَبْلٍ ile ihtilâf-ı kelimeden kinâye ederler; yekûlûne: إِضْطَرَبَ حَبْلُهُمْ أَيِ اخْتَلَفَتْ كَلِمَتُهُمْ Ve إِضْطِرَابٌ [iḋṯirâb] müşâreket için olur, vuruşmak maʹnâsına; yukâlu: إِضْطَرَبَ الْقَوْمُ أَيْ ضَارَبُوا Ve ʹArablar إِضْطِرَابُ عِنَانٍ ile cenkten bozulup yalnız başına kaçmaktan kinâye ederler; yukâlu: جَاءَ فُلاَنٌ مُضْطَرِبَ الْعِنَانِ أَيْ مُنْهَزِمًا مُنْفَرِدًا

Vankulu Lugatı - الإضطراب maddesi

اَلتَّضَارُبُ [et-teḋârub] (tâ’nın fethi ve râ’nın zammıyla) ve

اَلْإِضْطِرَابُ [el-iḋṯirâb] Bi-maʹnan vâhid; yukâlu: إِضْطَرَبَ الْمَوْجُ أَيْ ضَرَبَ بَعْضُهُمْ بَعْضًا Ve

إِضْطِرَابٌ [iḋṯirâb] Hareket maʹnâsına da gelir. Ve ihtilâl maʹnâsına dahi istiʹmâl olunur; yukâlu: هَذَا حَدِيثٌ مُضْطَرَبُ السَّنَدِ أَيْ مُخْتَلُّ السَّنَدِ