اَلْأَسَاوِرَةُ [es-esâviret] (سِوَارٌ [sivâr]ın cemʹidir, niteki zikr olundu. Ve
أَسَاوِرَةٌ [Esâviret] ʹAcem cinsinden bir kavme ıtlâk olunur ki Baṡra’ya nâzil ve mukîm olmuşlar idi, niteki Aḩâmire tâ΄ifesi Kûfe’ye nüzûl ve ikâmet eylemişler idi. Be-gâyet üstâd tîr-endâz olmalarıyla أَسَاوِرَةٌ [Esâviret] ıtlâk olunmuş idi.
اَلْأَسَاوِرُ [el-esâvir] (hemzenin fethi ve vâv’ın kesriyle) أَسْوِرَةٌ [esviret]in cemʹidir. Kâlallâhu taʹâlâ: ﴿يُحَلَّوْنَ فِيهَا مِنْ أَسَاوِرَ مِنْ ذَهَبٍ﴾ (الكهف 31، الحج 23، فاطر 33) Ebû ʹAmr b. el-ʹalâ eyitti: أَسَاوِرُ [esâvir]in vâhidi, إِسْوَارٌ [isvâr]dır hemzenin kesriyle ve zammıyla. Ve اَسَاوِرُ [esâvir] at yeden kimselere dahi derler. Baʹzılar ata binenlerdir demişlerdir. Ve
أَسَاوِرَةٌ [Esâviret] ʹAcem tâ΄ifesinden bir cemâʹattir ki kadîmden Baṡra’da nüzûl etmişlerdir, أَحَامِرَةٌ [Eḩâmiret] tâ΄ifesi Kûfe’de nüzûl ettiği gibi.
Sitemizde detaylı hızlı ve kolay arama ekranı